தீபா, பன்னீர், தினகரன் என மூன்று பேரும் மாறி மாறி திட்டிகொள்வதன் பெயர் ஆர்.கே நகர் அதிமுக தேர்தல் பிரச்சாரம்
அக்கட்சியின் வோட்டினை அவர்களே கெடுத்துகொள்ளலாம், முதலில் அதிமுக கட்சியே இல்லை, பல பெயர்களோடு பலர் கையில் அது சுற்றிகொண்டிருக்கின்றது
திமுக முயல் ஆமை கதையினை போல கெத்தாக இருக்கின்றது
மற்ற கட்சிகள் நிலை சொல்லிகொள்வது போல் இல்லை, கங்கை அமரனுக்கு விழவேண்டிய வோட்டுக்களை தடுப்பதில் எச். ராசா, சு.சாமி போன்றோர் மிக தீவிரமாக ஈடுபட்டுள்ளனர்
அதனையும் மீறி ஓரிரு வோட்டுக்கள் விழுமோ என்ற அச்சத்தில் தமிழிசை தீயாய் வேலை செய்கின்றார்.
தமிழக
காங்கிரஸ்க்கு கட்சி என்பதே மறந்து போய் விட்டது, கட்சி வெல்லவேண்டும் என்பதை விட, கட்சிக்குள் யார் வெல்ல கூடாது என்பதில் அவர்களுக்கு அதீத அக்கறை..
கம்யூனிஸ்டுகள் வாழாவெட்டிகளாகி நெடுநாள் ஆயிற்று..
வைகோ எம்ஜிஆர் நூற்றாண்டு விழா கொண்டாடி தான் யாருக்கு ஆதரவு என்பதை தெரிவித்து விட்டார், ஏதோ கிடைத்திருக்கலாம், கண்டெய்னர்கள் எப்பவுமா கிடைக்கும்?
விஜயகாந்த் உடல்நிலை மோசமாகிவிட்டது, அவர் சிங்கப்பூருக்கு சிகிச்சைக்கு செல்லலாம் என்கின்றார்கள்...
அனுதாப வோட்டுக்களை மட்டும் இனி அக்கட்சி கொஞ்சம் அள்ள வாய்ப்பிருக்கின்றது
No comments:
Post a Comment